16 Dekabr 2020 Yil 1303

Тошкент шаҳар ИИББ ходимлари томонидан аниқланган пиротехника буюмларининг қонунга хилоф муомаласи билан боғлиқ факт бўйича жиноий иш қўзғатилди

Сергели туманида ўтказилган профилактик тадбирлар давомида Тошкент шаҳар ИИББ ходимлари 29 ноябрь куни тахминан соат 23.50 да Фарғона вилоятилик 29 ёшли Оҳунжон И. бошқарувидаги “MERCEDES BENZ VITO” русумли автомобилни (давлат рақами 40 X 679 SA) тўхтатишди. Холислар гувоҳлигидаги текширув натижасида автомобиль юкхонасидан жами 72 миллион сўмлик 11 қути пиротехника буюмлари топилди. Мазкур факт асосида Сергели тумани ИИО ФМБ 4-сон ИИБ ТБ томонидан Ўзбекистон Республикаси Жиноят кодексининг 250-1 (“Пиротехника воситаларининг қонунга хилоф муомаласи”) моддаси бўйича жиноий иш қўзғатилди. Оҳунжон И.га нисбатан қамоққа олиш эҳтиёт чораси қўлланилди. Тергов ишлари давом этмоқда.    

Жами профилактик тадбирлар давомида 25 ноябрь куни Тошкент шаҳар ИИББ ходимлари бошқа ҳуқуқни муҳофаза қилиш органлари билан ҳамкорликда пиротехника буюмларининг ноқонуний савдоси билан боғлиқ 120 дан ортиқ фактлар аниқлашди. 870 дан ортиқ сертификатланмаган пиротехника буюмлари олиб қўйилди. Ҳуқуқбузарликларга алоқадор 115 нафар шахсларга нисбатан қонуний чоралар кўрилди. Суд 13 та ҳуқуқбузарларга нисбатан маъмурий қамоқ жазосини белгилади, 3 нафар фуқароларга нисбатан жиноий иш қўзғатилди, қолган 108 киши жаримага тортилдилар.      

Шунингдек Тошкент шаҳар ИИББ ходимлари томонидан мунтазам равишда профилактик ишлар, хусусан, маҳаллалар аҳолиси, ўқув муассасалари ўқувчилари билан учрашувлар ўтказилиб, суҳбатлар давомида пиротехника буюмлари нима сабабдан хавфли эканлиги тушунтирилмоқда.

Ҳурматли фуқаролар! Пиротехник буюмлари савдосидан фойда ҳақида ўйлаганингизда, сифатсиз пиротехника ёш боланинг қўлига тушганда қандай оқибатларга сабаб бўлиши ҳақида ҳам ўйлаб кўринг. Ўзингизнинг фарзандингиз ҳам бошқа “тадбиркордан” пиротехника харид қилиб, зарар кўриши мумкин.

Belgilangan matnni tinglash uchun quyidagi tugmani bosing Powered by GSpeech