IIBB yangiliklari:
Haydovchilar avtomobil kalitini o't oldirgichda qoldirmang!
6 Avgust 2021 Yil 3147

Zoʼravonlik jazosiz qolmaydi

“Nemolchi.uz” manbasida Mirobod tumanida voyaga yetmagan qizga nisbatan sodir etilgan jinoyat haqida xabar eʼlon qilindi. Ikki nafar gumonlanuvchilar javobgarlikdan qutulib qolganliklari haqidagi xabar haqiqatdan yiroqdir. Mazkur fakt asosida quyidagilarni maʼlum qilamiz.
Mirobod tumani IIO FMBga kelib tushgan xabarga koʼra, 2021 yil 27 aprel kuni oʼrta maktab 8 sinf oʼquvchisi 2006 yilda tugʼilgan voyaga yetmagan qizga nisbatan dastlab 1991 yilda tugʼilgan Аnvar X. tomonidan, keyinchalik uning ikki nafar tanishi – Mansurjon M. va Boymuhammedov G. tomonidan jinsiy turdagi jinoyat sodir etilgani toʼgʼrisida xabar kelib tushdi.
Mazkur fakt boʼyicha 2021 yil 30 aprel kuni gumonlanuvchilarga nisbatan Oʼzbekiston Respublikasi Jinoyat kodeksining 128 moddasi (“Oʼn olti yoshga toʼlmagan shaxs bilan jinsiy aloqa qilish”) boʼyicha jinoyat ishi qoʼzgʼatildi.
5 may kuni Аnvar X.ga nisbatan Oʼzbekiston Respublikasi Jinoyat kodeksining 128 moddasida nazarda tutilgan jinoyatni sodir etganlikda ayblov taqdim etilib, qamoqqa olish ehtiyot chorasi qoʼllanildi.
Mansurjon M. va Boymuhammad G.lar tergovdan yashiringanliklari sababli joriy yilning 20 may kuni jinoyat ishining ularga nisbatan qoʼzgʼatilgan qismi alohida yuritiladigan boʼldi.
Аnvar X.ga nisbatan qoʼzgʼatilgan ish boʼyicha toʼplangan hujjatlar Mirobod tumani jinoyat ishlari boʼyicha sudiga yoʼnaltirildi.
1 iyun kuni ikkala fuqarolar ham qoʼlga olinib, gumonlanuvchilar tariqasida jinoyat ishiga jalb qilindilar.
Joriy yilning 30 iyun kuni Mansurjon M. va Boymuhammad G.larga nisbatan Oʼzbekiston Respublikasi Jinoyat kodeksining 128 moddasi boʼyicha ayblov taqdim etildi. Shu kunning oʼzida dastlabki tergov yakunlanib, jinoyat ishi sudga oshirildi.
Tergov organi tomonidan ayblanuvchilarning aybini isbotlovchi barcha dalillar toʼplandi, yakuni baho sud tomonidan beriladi.

Belgilangan matnni tinglash uchun quyidagi tugmani bosing Powered by GSpeech