Муаммонинг ижобий ҳал бўлишига умид бор

Аввалроқ Тошкент шаҳар ИИББ сайтида кекса аёлга бадан шикастлари етказилгани билан боғлиқ факт бўйича чора кўрилгани, хусусан, Ўзбекистон Республикаси Жиноят кодексининг 110 моддаси 2 қисми “а” банди (ожиз аҳволдалиги айбдорга аён бўлган шахсни қийнаш) билан жиноят иши қўзғатилгани ҳақида хабар берилган эди.
Яқинда Мирзо-Улуғбек тумани ИИО ФМБ хотин-қизлар масалалари бўйича инспекторлари 87 ёшли Тоза Г. бадан шикастлари билан ётқизилган Мирзо-Улуғбек туманидаги хусусий клиникалардан бири бўлишди. Ходимлар даволовчи шифокор билан гаплашиб, Тоза Г.нинг ҳолати ҳақида сўрадилар.
Бундан ташқари, 3-сон ички ишлар бўлимида жабрланувчининг қизи 57 ёшли Саодат Г. ва набираси 32 ёшли Севара Г.лар иштирокида мазур ҳолат муҳокамаси ўтказилди. Муҳокама давомида жабрланувчининг қизи ва набираси бадан шикастларига алоқадорликларини инкор этиб, Тоза Г.нинг ўзи бир неча бор йиқилганини айтишди. Барча тафсилотлар ўрганилиб чиқилгач кекса ёлга ҳимоя ордери беришга қарор қилинди. Унинг қизи ва набираси эса мазкур ҳужжат қоидаларини бузиш оқибати ҳақида огоҳлантирилдилар.
Жиноят иши бўйича тергов давом этмоқда.