Ҳурматли пиёдалар! Саломатлигингиз ва ҳаётингиз йўллардаги қарорларингизга боғлиқдир

2021 йил 30 январь куни тахминан соат 00.10 да Шайхонтоҳур туманидаги Тошкент халқа автомобиль йўлида 26 ёшли Бухоро вилоятилик Учқун Р. “Cobalt" русумли автомобилни (давлат рақами 80 Р 269 NA) бошқариш давомида йўлни белгиланмаган жойдан ўтмоқчи бўлган 39 ёшли Сурхандарёлик Қаҳрамон Н.ни уриб юборган. ЙТҲ оқибатида пиёда олган бадан шикастлари туфайли воқеа жойида ҳаётдан кўз юмди. Марҳумнинг яқинларига чуқур таъзия изҳор этамиз.
Мазкур факт асосида Ўзбекистон Республикаси Жиноят кодексининг 266 моддаси бўйича жиноийи ш қўзғатилди. Тергов олиб борилмоқда.
Ҳурматли пиёдалар! Йўл ҳаракати қоидаларига риоя қилишингиз сизнинг саломатлигингиз ва ҳаётингизни асрайди. Ҳатто белгиланган жойдан йўлни кесиб ўтмоқчи бўлганингизда ҳам бу хавфсиз эканлигига ишонч ҳосил қилинг.