ТОШКЕНТ ШАҲАР ИЧКИ ИШЛАР БОШ БОШҚАРМАСИ

Биз ҳақимизда Боғланиш

Тошкент шаҳар Ички ишлар бош бошқармасида маънавий-маърифий тадбир бўлиб ўтди

Тошкент шаҳар ИИББ шахсий таркиби билан ўтказилган навбатдаги Маънавият ва маърифат дарси “Наврўз – дўстлик ва бирлик рамзига эга бўлган умумхалқ байрами” мавзусига бағишланди. Тадбирда Тошкент давлат шарқшунослик университети вакили тарих фанлари доктори, профессор Мирсодиқ Исхоқов маъруза қилди. У ўз нутқида, баҳор ва табиат уйғонишининг тимсоли, шарқона янги йилнинг бошланиши бўлган Наврўзи оламни катта шодиёна билан нишонлаш азал-азалдан эл-юртимиз учун гўзал анъана ҳисобланишини, бу байрам дўстлик ҳамда бирлик рамзига эга бўлиб, тинчлик, меҳр-оқибат ва бунёдкорлик қадриятларини тараннум этадиган умумхалқ байрами эканлигини алоҳида таъкидлаб ўтди. Шунингдек, йиғилиш иштирокчиларга “Таҳлилнома” ахборот дастури намойиш этилди. Тадбир якунида Тошкент шаҳар ички ишлар органлари ёш ходимлари ўртасида киберспорт бўйича мусобақада фаол қатнашиб, ғолиблик ва фахрли ўринларни қўлга киритган ходимларни тақдирлаш маросими бўлиб ўтди.

17 Март 2025 йил

Расмий маълумот

Ижтимоий тармоқларда бир фуқаро бошқа фуқаро томонидан тан жароҳати олиб йиқилиб тушганлиги акс этган видео тарқалиб турли муҳокамаларга сабаб бўлмоқда. Мазкур ҳолат юзасидан қуйидагиларни маълум қиламиз. Жорий йилнинг 16 март тунги соат 02.30 ларда Яккасарой туманида жойлашган ресторанлардан бирида мижоз сифатида келган 1995 йилда туғилган А.Ш. ўзининг таниши 1985 йилда туғилган Х.А. билан ўрталарида келиб чиққан низо сабабли ўзаро жанжаллашган. 1990 йилда туғилган Б.А. уларни ажратишга ҳаракат қилган вақтида А.Ш. уни уриб тан жароҳати етказган. Натижада Б.А. "бош мия жарохати, ўнг юзидан лунжи йиртилган жарохати ва спиртдан захарланиш" ташхиси билан шифохонага олиб борилган. Мазкур ҳолат юзасидан Яккасарой тумани ИИО ФМБ Тергов бўлими томонидан Ўзбекистон Республикаси Жиноят кодексининг 277-моддаси ("Безорилик") билан жиноят иши қўзғатилган. Тергов ҳаракатлари давом этмоқда. Якуни бўйича қонуний қарор қабул қилиниши таъминланади.

17 Март 2025 йил

786

ЭЪЛОН

Тошкент шаҳар ИИББ бошлиғи полковник Равшан Султонходжаев томонидан шаҳар аҳолисининг мурожаатларини ўрганиш мақсадида шахсий қабули ўтказилади. Қабул жорий йилнинг 16 март куни соат 10:00 да Тошкент шаҳар ИИББ биносида (Миробод тумани Содиқ Азимов кўчаси 87-уй) бўлиб ўтади.

15 Март 2025 йил

245

Ҳурматли ҳамшаҳарлар ва пойтахтимиз меҳмонлари!

Фуқароларнинг қонуний ҳуқуқ ва манфаатларини ҳимоя қилиш, ҳафта давомида кундалик меҳнат фаолияти билан банд бўлган аҳолига қулайлик яратиш ва мурожаат қилувчиларнинг Ички ишлар органлари раҳбарлари билан очиқ мулоқот қилишларини осонлаштириш мақсадида, Тошкент шаҳар ИИББ бошлиғи полковник Равшан Султанходжаев томонидан ҳафтанинг ҳар якшанба куни, унинг ўринбосарлари томонидан тасдиқланган жадвалга асосан ҳафтанинг белгиланган куни (https://iibb.uz/uz/menu/fuqarolarni-qabul-qilish-tartibi) шахсий қабуллар ҳамда жойларда сайёр қабуллар ўтказилиши режалаштирилди. Сайёр қабулларнинг вақти ва жойи тўғрисидаги ахборот расмий каналларимиз орқали алоҳида эълон қилиб борилади.

15 Март 2025 йил

179