Мотоцикл ва юк автомобили иштирокидаги ЙТҲ ҳақида хабар

26 июнь куни соат 05.10 да Мирзо-Улуғбек туманидаги кичик халқа автомобиль йўлида 35 ёшли Б.С. бошқарувидаги Yamaha YZFR6 русумли мотоцикл ва 46 ёшли Х.У. бошқарган “Shacman” юк автомобили тўқнашуви юз берган. 

Йўл-транспорт ҳодисаси сабаблари аниқланмоқда. Тахминий сабаб: юк автомобили ҳайдовчиси тўсатдан йўналишни ўзгартирган ва бурилиш вақтида ҳаракат устуворлигига эга бўлган мотоциклни пайқамай қолган.

Тўқнашув натижасида мотоцикл ҳайдовчиси тан жароҳатлари олиб, воқеа жойида ҳаётдан кўз юмган. Марҳумнинг яқинларига чуқур таъзия изҳор этамиз.

Ушбу факт асосида Ўзбекистон Республикаси Жиноят кодексининг 266 моддаси иккинчи қисмига мувофиқ жиноий иш қўзғатилди.

Ҳурматли ҳайдовчилар! Бурилиш ёки қайта бурилишлардан олдин ниятингиз йўл ҳаракати қоидаларига мувофиқ эканлигига ишонч ҳосил қилинг. Қайд этиш жоизки, Тошкент шаҳрила рўй бераётган ва ҳайдовчиларнинг ўлимига сабаб бўлаётган икки ғилдиракли транспортлар иштирокидаги йўл-транспорт ҳодисаларининг аксарияти йўл ҳаракати қоидаларини бузган ҳолда бурилган транспорт воситалари сабаб бўлган.