25 Sentyabr 2020 Yil 1829

Вояга етмаган шахс бошқарувидаги автомобилда пичоқ ва бошқа буюмлар топилди

23 сентябрь куни соат 22.15 да Шайхонтоҳур тумани ИИО ФМБ навбатчилки қисмига келиб тушган хабарга кўра, 1-сон ИИБга бириктирилган ҳудуддаги “Гулобод” маҳалласида жойлашган Версаль ресторани ёнида 20-30 кишилик гуруҳ тўпланган.

Ҳолатни текшириш мақсадида Тошкент шаҳар ИИББнинг бир гуруҳ ходимлари йўлга чиқишди. Воқеа жойида тўпланган одамлардан ташқари уларга яқин жойда ҳайдовчиси ва йўловчилари вояга етмаган шахслар бўлган “Nexia-2” русумли автомобиль қайд этилди.

Автомобиль 15 ёшли Абдулазиз Ф. бошқарувида бўлган, унинг сўзларига кўра ота-онаси бундан бехабар бўлишган. Йўловчи сифатида автомобилда унинг ўртоқлари 16 ёшли Миржавоҳир М. ва Исмоилжон А. бўлишган. 

Автомобиль юкхонасининг текшируви давомида ИИБ ходимлари кесувчи буюмлар, нунчаки, таёқ ва электрошокер топишди. Мазкур факт асосида тезкор ишлар олиб борилмоқда.

Ҳурматли ҳамшаҳарлар ва пойтахт меҳмонлари. Мазкур ҳолат бир нечта фактларга кўра ачинарлидир: транспорт воситасининг калитини фарзандидан йироқ тутмаган ота-оналар эҳтимолий оқибатлар ҳақида ўйлаб кўришмаган; транспорт воситасини бошқариш ҳуқуқига эга бўлмаган боланинг хавфни тушунмаган ҳолда автомобиль бошқариши... Аммо энг қўрқинчлиси – уларнинг “қўлларидаги” хавфли буюмлардир. Улар келишмовчилик юзага келганда бошқа инсоннинг соғлиғи ва ҳаётига қарши ишлатилади. Кўпинча юқоридаги ҳолатлар ота-оналар учун муаммо бўлмаса, болаларга ҳам оддий ҳолдек туюлади. Шунингдек биз фуқароларга мурожаат қиламиз: бу каби ҳолатларни табиий ҳисобламасдан, уларнинг олдини олиш даркор.

Belgilangan matnni tinglash uchun quyidagi tugmani bosing Powered by GSpeech