Интернет ижтимоий тармоғида тарқалган йўл-транспорт ҳодисаси акс этган видеотасвир юзасидан қуйидагиларни маълум қиламиз.
Жорий йилнинг 27 август куни тахминан соат 00:30 ларда Тошкент шаҳар, Юнусобод тумани, Амир Темур кўчасида, ҳайдовчи 1999 йилда туғилган Д.М. “Lada” русумли (давлат рақами 01 U 312 FA) автомашинани бошқариб кетаётиб, ҳайдовчи 1998 йилда туғилган Р.Г. бошқарувидаги “Cobalt” русумли (давлат рақами 01 L 031 WA) автомашина билан тўқнашув содир этган. ЙТҲ натижасида "Cobalt" автомашинаси ҳайдовчиси тан жароҳатлари олиб, шифохонага олиб борилган.
Ҳолат юзасидан Тошкент шаҳар ИИББ ЙҲХБ томонидан терговга қадар текширув ўтказилмоқда.