2022 йилнинг 12 сентябрь куни тахминан соат 09:00 ларда Яшнобод тумани, Охангарон кўчасида, ҳайдовчи 1978 йилда туғилган М.Р., ишончнома асосида “Cobalt” русумли, давлат рақам белгиси 10 U 396 QА бўлган автомашинада ҳаракатланиб, (дастлабки маълумотга кўра соғлиги ёмонлашган) руль бошқарувини йўқотган ва қарама-қарши йўлларни ажратиб турувчи кўкаламзорлаштирилган майдончадаги дарахт билан тўқнашув содир этган.
Кўрсатилган тиббий ёрдамларга қарамай, автомашина ҳайдовчиси воқеа жойида вафот этган. Марҳумнинг оила аъзоларига ҳамдардлик билдирамиз.
Мазкур ҳолат юзасидан Тошкент шаҳар ИИББ Тергов бошқармаси томонидан терговга қадар текширув ўтказилмоқда.