29 Iyul 2019 Yil 3602

Тезкор хабар

 Фуқаролардан бири томонидан видеога туширилган «Дамас» русумли автомобиль ва ЙПХ патруль автомобили иштирокидаги ҳодисабўйича қуйидагиларни маълум қиламиз.

Видеога туширилган ҳодиса 28-июль куни соат 17.00 да Олмазор туманида рўй берган. “Дамас” ҳайдовчиси Сағбон кўчасида қарама-қарши йўлдан ҳаракатланганида, ЙПХ инспекторининг тўхташ ҳақидаги ишорасига бўйсинмаган. Шундан сўнг ички ишлар органлари ходими тегишли тартибда қоидабузарни таъқиб қилишни бошлаган. Бевосита раҳбарининг кўрсатмасига биноан, бошқа фуқаролар учун хавф туғдирмаслик мақсадида, ЙПХ инспектори “Дамас”ни таъқиб қилишни тўхтатган. Аммо қоидабузар ҳайдовчи йўл ҳаракати қоидаларини қўпол тарзда бузиб, бошқа инсонларнинг ҳаётини хавф остига қўйган ҳолда Кичик халқа автомобиль йўли ва Сағбон кўчалари чорраҳасида яширинган.  

“Дамас” автомобили (давлат рақами 01 А 063 SА) Н.Ф. номига расмийлаштирилганлиги, бошқарув учун ишончнома эса тўрт нафар фуқароларга берилганлиги маълум бўлди.. Ҳозирги вақтда “Дамас”ни ким бошқарганлигига аниқлик киритилмоқда.

Belgilangan matnni tinglash uchun quyidagi tugmani bosing Powered by GSpeech