IIBB yangiliklari:
Haydovchilar avtomobil kalitini o't oldirgichda qoldirmang!
3 Avgust 2021 Yil 13619

Tezkor xabar

Internet tarmog`ida haydovchi va YPX inspektori o`rtasidagi kelishmovchilik aks etgan video tarqamoqda. Mazkur holat bo`yicha quyidagilarni ma’lum qilamiz.
2021 yil 31 iyul kuni Shayxontohur tumani Layliqo`rg`on ko`chasida Toshkent shahar IIBB YHXB yo`l-patrul xizmati inspektori Begzod Mirzarahimov tomonidan YHQ qoidabuzarliklari uchun o`z vaqtida jarima to`lamagan haydovchilarni aniqlash bo`yicha maxsus tadbir davomida “Cobalt” (davlat raqami 01 Е 636 SA) rusumli avtomobil to`xtatildi.
Tekshiruv davomida transport vositasi haydovchisi 1979 yilda tug`ilgan Komilxon N. inspektorga nisbatan betakallufona muomalada bo`lib, konstruktiv suhbat qilishdan bosh tortganini videoda ko`rish mumkin. Natijada ular orasida yuzaga kelgan kelishmovchilik sababli inspektor muomala madaniyati qoidalarini buzgan. Inspektorning xatti-harakatlari yuzasidan Toshkent shahar IIBB YHXB rahbariyati tomonidan xizmat tekshiruvi tayinlandi.

Belgilangan matnni tinglash uchun quyidagi tugmani bosing Powered by GSpeech