ТОШКЕНТ ШАҲАР ИЧКИ ИШЛАР БОШ БОШҚАРМАСИ

Биз ҳақимизда Боғланиш

Қўшимча маълумот

Яккасарой туманида содир этилган жиноят бўйича олиб борилган тергов ҳаракатлари давомида 1995 йилда туғилган Акмал Шукуров терговдан қочиб яширинганлиги сабабли унга нисбатан сиртдан Ўзбекистон Республикаси Жиноят кодексининг 277-моддаси ("Безорилик") ва 104-моддаси ("Қасддан баданга оғир шикаст етказиш") билан айб эълон қилиниб "Қамоққа олиш" эҳтиёт чораси қўлланиб, қидирув эълон қилинганлиги ва Қозоғистон Республикасида ушланганли ҳақида хабар берган эдик. Ҳозирда Акмал Шукуров Қозоғистон Республикасидан Тошкент шаҳрига экстрадиция қилинганлигини ва тергов ҳаракатлари давом этаётганлигини маълум қиламиз. Мазкур ҳолат бўйича тергов ҳаракатлари тўлиқ ва холисона олиб борилиб, қонун устуворлиги ва жиноят учун жазо муқаррарлиги таъминланади.

21 Март 2025 йил

1043

Байрам арафасидаги хайрли тадбир

Юртимизда баҳор. Уйғониш, янгиланиш даракчиси, саховат ва мурувват, меҳр-оқибат каби азалий қадриятларимизни ўзида мужассам этган Наврўзи олам шукуҳи юртимиз бўйлаб кезмоқда. Инсонийлик фазилатларини намоён этиш, инсон қадрини улуғлаш, ҳар бир шахс ишлаш, ўқиш, бахтли яшаш ҳуқуқига эгалигини англашга ундамоқда.Тантаналар пойтахтимизнинг Яшнобод туманида ҳам муносиб кутиб олинди. Куни кеча Яшнобод туманида жойлашган “Дилбоғ” маҳалласида хайрли ишга қўл урилди. Хусусан, туман ИИО ФМБ Пробация бўлими, туман камбағалликни қисқартириш ва бандлик бўлими, тиббиёт бирлашмаси ва бошқа ҳамкор корхона-ташкилотлар масъуллари билан биргаликда аҳоли бандлигини таъминлаш ва саломатлигини назорат қилиш мақсадида, “Бўш иш ўринлари” меҳнат ярмаркаси ва сайёр тиббий кўрикдан ўтказиш тадбири ташкиллаштирилди. Унда туманда жойлашган 20 дан ортиқ корхона ва ташкилотлар ўз бўш иш ўринлари билан иштирок этишди. Мазкур маҳаллада истиқомат қилувчи, ишлашга иштиёқи бўлган юздан ортиқ фуқаролар тавсия этилаётган бўш иш ўринлари билан яқиндан танишдилар. Корхона-ташкилотда ишчилар учун яратилган қулайликлар, шарт-шароитлар, иш жараёни ҳақида батафсил маълумотларга эга бўлган 17 нафар фуқаро ўзлари танлаган ташкилотларга ҳужжатлар топширган бўлса, 4 нафари ярмарканинг ўзида ишга жойлаштирилди. Муайян касб-ҳунари бўлмаган 3 нафар фуқаро эса “Ишга марҳамат” мономаркази қошида фаолият юритувчи ўқув курсларига йўлланмалар олишди. Шунингдек, Пробация назоратига олинган 12 нафар шахснинг 5 нафарига ишга, 1 нафарига касб-ҳунар ўқув курсларига йўлланмалар берилди. Ўз саломатлигини тиклаш бўйича мурожаат қилган 40 дан ортиқ фуқаро ва жазони ижро этиш муассасаларидан озод этилиб Пробация назоратида жазо муддатини ўтаб келаётган 6 нафар шахслар туман тиббиёт бирлашмаси мутахассислари томонидан кўрикдан ўтказилиб, уларга тегишли муолажа ва тавсиялар берилди. Тадбирда қатнашган ҳар икки томон кўрсатилган тегишли ҳуқуқий, тиббий ва ижтимоий ёрдамдан ўзаро манфаатдор эканлиги, мазкур тадбир жамиятимизда ҳар бир инсоннинг қадри улуғланиши, ўз ўрнини ҳис этишида қўллаб-қувватлаш одамийликнинг ёрқин мисоли эканлигини таъкидлашди.

21 Март 2025 йил

Ҳурматли ҳамшаҳарлар ва пойтахтимиз меҳмонлари!

Сизларни Тошкент шаҳар Ички ишлар бош бошқармаси раҳбарияти ва шахсий таркиби номидан уйғониш, янгиланиш, гўзаллик ва нафосат байрами – Наврўз айёми билан самимий табриклайман. Наврўз – тинчлик-осойишталик, дўсту биродарлик, меҳр-оқибат, мурувват ва саҳоват, садоқат ва бағрикенглик, ўзаро ҳурмат ва тенглик каби умумбашарий қадриятларни ўзида мужассам этган қадимий байрамдир. Ушбу байрамда барчангизга бахту саодат, оилангизга тинчлик, тотувлик, мустаҳкам соғлиқ-саломатлик, хонадонингизга файзу барака тилайман. Жонажон юртимиз равнақи ва фаровонлиги йўлида амалга ошираётган эзгу ишларимизга омад ҳамиша ёр бўлсин! Наврўзингиз муборак, азизлар! Тошкент шаҳар Ички ишлар бош бошқармасибошлиғи, полковник Равшан Султанходжаев

21 Март 2025 йил

Президент Шавкат Мирзиёев пойтахтимизнинг Бектемир туманига ташрифи чоғида Ийкота маҳалласида бўлиб, қурилиш ва ободонлаштириш ишлари билан яқиндан танишди.

Бу ердаги 37 та кўп қаватли уй ва 1 минг 400 та ҳовлида 6 мингга яқин аҳоли истиқомат қилади. Мамлакатимизда маҳаллабай амалга оширилаётган манзилли ишлар Ийкотада ҳам ўз натижасини бермоқда. Янги кўп қаватли уйлар қурилган. Йўлаклар ва ички кўчалар таъмирланган. Майдончаларга гул ва майсалар экилган. Ўтган йили уч қаватли маҳалла идораси фойдаланишга топширилган эди. Энди давлат бюджети ҳисобидан 358-умумтаълим мактаби қурилди. Президентимиз ушбу янги муассасани кўздан кечирди. Таълим тизимига бўлаётган эътиборнинг ёрқин ифодасини бу ерда ҳам кўриш мумкин. Қарийб минг ўринли мактабда фан хоналари, компьютер ва хорижий тил хоналари, робототехника тўгараги, лаборатория зарур ўқув жиҳозлари билан таъминланган. Кутубхона, спорт зали, футбол майдони ва ошхона болалар учун кенг қулайликлар яратилган. Педагоглар билан мулоқот чоғида болаларнинг қобилиятини тўғри шакллантириш, касбий таълимни ривожлантириб, битирувчиларни касб-ҳунарли қилиб ҳаётга йўллаш муҳимлиги таъкидланди. Хусусан, ахборот технологиялари, робототехника, муҳандислик каби йўналишларни кенгайтириш, ўсмирларда ҳарбий-ватанпарварлик руҳини кучайтириш вазифалари кўрсатиб ўтилди. Маҳалладаги янги уйларнинг биринчи қаватларида иккита хусусий боғча ташкил этилган. Улар Наврўз арафасида очилгани ота-оналар учун байрамона туҳфа бўлди. Ички имкониятларни ишга солиб, аҳоли бандлигини таъминлаш тамойили бу маҳаллада ҳам намоён. 70 та савдо ва хизмат кўрсатиш шохобчаси, 2 та ишлаб чиқариш корхонасида кўпчилик рўзғор тебратаяпти. Президентимиз фармойиши билан эълон қилинган долзарб бир ойлик доирасида томорқадан унумли фойдаланиш, қишлоқ хўжалиги экинлари экиш қизғин давом этмоқда.

20 Март 2025 йил

106