IIBB yangiliklari:
Haydovchilar avtomobil kalitini o't oldirgichda qoldirmang!
2 Sentyabr 2021 Yil 1098

Davlat bayrog'ini hurmat qilish kerak

Internet tarmog'ida ustunlarga o'rnatilgan davlat bayrog'ini o'zboshimchalik bilan yechib olib, mashinalariga o'rnatayotgan shaxslarga nisbatan ichki ishlar organlari xodimlari chora ko'rayotganligi aks etgan videolar tarqalmoqda. Mazkur holat yuzasidan quyidagilarni ma'lum qilamiz.

2021-yil 1-sentyabr kuni poytaxtimizning bir nechta tumanlarida transport vositalarining haydovchilari va yo'lovchilari bayram munosabati bilan Hokimiyat tomonidan o'rnatilgan davlat bayroqlarini o'zboshimchalik bilan yechib olishgan. Ular ushbu bayroqlarni o'zlarining avtomashinasiga o'rnatib bayramni nishonlamoqchi bo'lishgan. Biroq bayroqlar transport vositasiga mustahkamlab o'rnatilmagan, transport vositasidan tashqariga chiqib turishi esa avtomashinada harakatlanish chog'ida noqulayliklar tug'dirib, harakat xavfsizligiga tahdid solgan. Shuningdek ushbu holatlar fuqarolar tomonidan davlat ramzlari va davlat mulki to'g'risidagi qonun talablarini buzilishiga olib kelgan.
Hurmatli poytaxtimiz aholisi va mehmonlari! Bu kabi huquqbuzarliklarni sodir etgan shaxslar O'zbekiston Respublikasi Ma'muriy javobgarlik to'g'risidagi kodeksning 203-1-moddasiga ko'ra (“Davlat ramzlari to'g'risidagi qonunchilikni buzish”) ma'muriy javobgarlikka tortilishi mumkinligini unutmang.
Vatanparvarlik o'z vataningiz qonunlariga nisbatan hurmatsizlik bilan munosabatda bo'lishda namoyon etilmasligi kerak. Vatanparvarlikni qonunlarga rioya etgan holda namoyon qiling.

Belgilangan matnni tinglash uchun quyidagi tugmani bosing Powered by GSpeech