20 Aprel 2021 Yil 2635

Олмазор туманида содир бўлган ЙТҲ ҳақида маълумот

2021 йилнинг 19 апрель куни соат тахминан 23:30 ларда Беруний кўчасида (“Тинчлик” метро станцияси бекати ёнида) иккита транспорт воситасининг ўзаро тўқнашуви кузатилди. Самарқанд вилоятидан бўлган 23 ёшли Абдулло З. “Наксия-3” русумидаги автомобилни (давлат рақами 30 V 472 VA) бошқара туриб, 25 ёшли Бунёд ҳайдаб кетаётган “Матиз” русумидаги (давлат рақами 01 L 599 ZA) машина билан тўқнашув содир этади.   

Автомобилларнинг тўқнашуви оқибатида “Нексия-3” машинасида йўловчи сифатида кетаётган 24 ёшли Самарқанд вилоятида яшовчи Моҳинур Т. тан жароҳати олиб тиббиёт муассасасига олиб борилган. “Нексия-3” ҳайдовчиси эса шифокорлар томонидан кўрсатилган тез тиббий ёрдамга қарамасдан олган жароҳатлари туфайли касалхонада вафот этган. “Матиз” ҳайдовчиси эса воқеа жойида ҳаётдан кўз юмган. Ушбу мудҳиш ходиса оқибатида ҳалок бўлганларнинг яқинлари ва оила аъзоларига ҳамдардлик билдирамиз.

Дастлабки маълумотларга кўра, йўл транспорт ҳодисасининг келиб чиқишига “Нексия-3” ҳайдовчиси белгиланган меъёрдан юқори тезликда ҳаракатланиб бошқарувни йўқотганлиги ва йўлнинг қарама-қарши томонига чиқиб кетиб бошқа машина билан тўқнашганлиги сабаб бўлган.

Мазкур ҳолат юзасидан Тошкент шаҳар ИИББ томонидан Ўзбекистон Республикаси Жиноят Кодексининг 266-моддаси (Транспорт воситалари ҳаракати ёки улардан фойдаланиш хавфсизлиги қоидаларини бузиш) 3-қисмида назарда тутилган аломатлари билан жиноят иши қўзғатилди. Тергов ҳаракатлари давом эттирилмоқда.

Belgilangan matnni tinglash uchun quyidagi tugmani bosing Powered by GSpeech