Тошкент Шаҳар Ички Ишлар Бош Бошқармаси

Ёшлар ҳафталиги давом этмоқда

Юртбошимиз томонидан жорий йилнинг «Ёшлар ва бизнесни қўллаб-қувватлаш йили” деб эълон қилиниши ёшларимизнинг ўз имкониятлари, иқтидорларини рўёбга чиқариш учун кенг йўл очиб берди. Ёшларнинг таклиф ва ташаббуслари қўллаб-қувватланди. Ўз илғор ғоялари, фан-техника соҳасидаги ихтиролари, илмий ва ижодий салоҳиятга эга, фаол ёшлар билан давлат бошқарув органлари, жамоат ва илмий ташкилотлар ҳамкорлиги ўрнатилиши натижасида қатор янгиликлар юртимизнинг ижтимоий, маиший ҳаётига кириб келди. Ўзбекистон Республикаси Вазирлар Маҳкамасининг ёшлар сиёсати борасидаги тегишли топшириқлари ҳамда Ички ишлар вазирининг фармойишига асосан, 18-25 декабрь кунлари пойтахтимизда “Ёшлар ҳафталиги”нинг ўтказилиши ана шу ишларнинг мантиқий давомидир. Ҳафталик давомида Бош бошқарма ёш ходимлари ўртасида шахмат, шашка ва стол тенниси бўйича мусобақалар ташкиллаштирилди. Унда ИИВнинг 1-сонли академик лицейи ва ихтисослаштирилган мактаб-интернат ўқувчилари ва фахрийлар ҳам иштирок этишди. Стол тенниси мусобақасида аёллар ўртасида: 1-ўрин Мирзо Улуғбек тумани ИИО ФМБ Кадрлар билан таъминлаш гуруҳи инспектори Гўзал Ибрагимовага; 2-ўрин Яккасарой тумани ИИО ФМБ хотин-қизлар масалалари бўйича катта инспектори, капитан Мунира Джумабаевага; 3-ўрин Яккасарой тумани ИИО ФМБ навбатчилик қисми инспектори, сафдор Лобар Раҳмоновага берилди. Эркаклар ўртасида: 1-ўрин Бектемир тумани ИИО ФМБ профилактика инспектори, лейтенант Суҳроб Қаҳҳоровга; 2-ўрин вазирлик ихтисослаштирилган мактаб-интернат ўқувчиси Абдураззоқ Пардаевга; 3-ўрин Юнусобод тумани ИИО ФМБ профилактика инспектори, катта лейтенант Азизбек Ҳайитбоевга насиб этди. Шахмат беллашувларида: 1-ўринга вазирлик ихтисослаштирилган мактаб-интернати ўқувчиси Камрон Ўсаров: 2-ўринга Яккасарой тумани ИИО ФМБ навбатчилик қисми катта инспектор-навбатчиси, капитан Акромжон Икромов: 3-ўринга Олмазор тумани ИИО ФМБ профилактика инспектори, лейтенант Жавоҳир Эсонжоновлар муносиб топилди. Шашка доналари сурган истеъфодаги майор Рауф Мўминов биринчи; Учтепа тумани ИИО ФМБ хотин-қизлар масалалари бўйича катта инспектори, катта лейтенант Марварид Қаландарова иккинчи; истеъфодаги подполковник Шуҳрат Аҳмедов учинчи ўринларни эгаллашди. Мусобақа ғолибларига Бош бошқарма раҳбариятининг диплом, медаль ва эсдалик совғалари топширилди.

20 Декабр 2024 йил

182