IIBB yangiliklari:
Haydovchilar avtomobil kalitini o't oldirgichda qoldirmang!
18 Dekabr 2019 Yil 1520

AQSh Davlat departamentining Toshkent shahar IIBBga tashrifi to'g'risida

Андрю Фендер бошчилигидаги АҚШ Давлат департаменти делегацияси юртимизга расмий ташрифи давомида, Ўзбекистон Республикаси Меҳнат вазирлиги вакиллари билан пойтахт ИИББ бўлинмаларида бўлишди.

Делегация Тошкент шаҳар ИИББ ички ишлар бўлимларидан бирида бўлиб, у ердаги шароитлар ва фолият билан танишиб чиқишди. Меҳмонларга Тошкент ички ишлар органлари томонидан одам савдосига қарши ҳамда аёлларни зўравонликдан ҳимоя қилиш борасида олиб борилаётган ишлар ҳақида сўзлаб берилди.

Тошкент туманларидаги ҳар бир ички ишлар бўлимида хизмат қиладиган аёллар масалалари бўйича профилактика инспекторларининг фаолияти делегация аъзоларида қизиқиш уйғотди. Ёрдам нафақат аёллар ва қизларга, балки жисмоний ва психологик зўравонлик қурбонлари, фарзандини ёлғиз тарбиялаётганларга, бир сўз билан айтганда, тақдир тақозоси билан маълум ёрдамга муҳтож бўлиб қолган барча аёлларга берилади. Маҳаллаларда яшовчи аёллар тўқнаш келаётган кўплаб муаммоларни ҳал қилиш учун бошқа манфаатдор давлар органлари ва жамоат тузилмаларининг иштироки зарурлиги қайд этилди. Айниқса аёл киши оғир шароитда қолиб, нафақат ҳуқуқий ёрдамга, балки психологларнинг далдасига ҳамда вақтинчалик бошпанага муҳтож бўлиб қолганида. Бу ҳақда батафсилроқ Тошкент шаҳар Хотин-қизлар қўмитаси қошидаги зўрлик ишлатишдан жабр кўрган аёлларни реабилитация қилиш Маркази (шелтер) ишчилари сўзлаб беришди. 

Меҳмонлар Тошкент шаҳар ИИББ психологик таъминот гуруҳи психологларининг ишларига ҳам ижобий баҳо беришди. Психологлар нафақат ички ишлар ходимларига, балки аҳолига ҳам  психологик кўмак беришлари қайд этилди. Хусусан, психологик зарар кўрган аёлларга фавқулодда психологик ва реабилитацион ёрдам кўрсатилади, оиладаги зўравонликни профилактика қилишга қаратилган суҳбатлар ва тренинглар ўтказилади. Сўнгги пайтларда фуқаролар инспектор-психологларга маслаҳат учун кўпроқ мурожаат қиладига бўлиб қолишди, бу эса аҳолининг ички ишлар органларига ишончи ортиб боришидан далилдир.

Тошкент шаҳар ИИББ Вояга етмаганларга ижтимоий-ҳуқуқий ёрдам кўрсатиш марказида бўлгач, меҳмонлар марказдаги шароитларга, хоналарнинг жиҳозланганлигига, умуман, муассасанинг ишига юқори баҳо бердилар. 

 

Andryu Fender boshchiligidagi AQSh Davlat departamenti delegatsiyasi yurtimizga rasmiy tashrifi davomida, O'zbekiston Respublikasi mehnat vazirligi vakillari bilan poytaxt IIBB bo'linmalarida bo'lishdi.

Delegatsiya Toshkent shahar IIBB ichki ishlar bo'limlaridan birida bo'lib, u yerdagi sharoitlar va faoliyat bilan tanishib chiqishdi. Mehmonlarga Toshkent ichki ishlar organlari tomonidan odam savdosiga qarshi hamda ayollarni zo'ravonlikdan himoya qilish borasida olib borilayotgan ishlar haqida so'zlab berildi.

Toshkent tumanlaridagi har bir ichki ishlar bo'limida xizmat qiladigan ayollar masalalari bo'yicha profilaktika inspektorlarining faoliyati delegatsiya a'zolarida qiziqish uyg'otdi. Yordam nafaqat ayollar va qizlarga, balki jismoniy va psixologik zo'ravonlik qurbonlari, farzandini yolg'iz tarbiyalayotganlarga, bir so'z bilan aytganda, taqdir taqozosi bilan ma'lum yordamga muhtoj bo'lib qolgan barcha ayollarga beriladi. Mahallalarda yashovchi ayollar to'qnash kelayotgan ko'plab muammolarni hal qilish uchun boshqa manfaatdor davlar organlari va jamoat tuzilmalarining ishtiroki zarurligi qayd etildi. Ayniqsa ayol kishi og'ir sharoitda qolib, nafaqat huquqiy yordamga, balki psixologlarning daldasiga hamda vaqtinchalik boshpanaga muhtoj bo'lib qolganida. Bu haqda batafsilroq Toshkent shahar xotin-qizlar qo'mitasi qoshidagi zo'rlik ishlatishdan jabr ko'rgan ayollarni reabilitatsiya qilish markazi (Shelter) ishchilari so'zlab berishdi.

Mehmonlar Toshkent shahar IIBB psixologik ta'minot guruhi psixologlarining ishlariga ham ijobiy baho berishdi. Psixologlar nafaqat ichki ishlar xodimlariga, balki aholiga ham psixologik ko'mak berishlari qayd etildi. Xususan, psixologik zarar ko'rgan ayollarga favqulodda psixologik va reabilitatsion yordam ko'rsatiladi, oiladagi zo'ravonlikni profilaktika qilishga qaratilgan suhbatlar va treninglar o'tkaziladi. So'nggi paytlarda fuqarolar inspektor-psixologlarga maslahat uchun ko'proq murojaat qiladiga bo'lib qolishdi, bu esa aholining ichki ishlar organlariga ishonchi ortib borishidan dalildir.

Toshkent shahar IIBB voyaga yetmaganlarga ijtimoiy-huquqiy yordam ko'rsatish markazida bo'lgach, mehmonlar markazdagi sharoitlarga, xonalarning jihozlanganligiga, umuman, muassasaning ishiga yuqori baho berdilar.

Belgilangan matnni tinglash uchun quyidagi tugmani bosing Powered by GSpeech