Пойтахтимизда сифатсиз гўшт-сут маҳсулотларини аниқлаш, тегишли ҳужжатларсиз гўшт ва сут маҳсулотларини сотишнинг олдини олишга қаратилган махсус профилактика тадбирлари давом этмоқда. Хусусан, Тошкент шаҳар ИИББ ЖТСБ Карантин тадбирларини таъминлаш гуруҳи ходимлари санитария-эпидемиология хизмати мутахассислари билан бирга рейд давомида шаҳарга сифатсиз гўшт маҳсулотлари олиб кириш ҳолатини аниқлади.

“Эркин” ЙПХ масканида 29 ёшли Хусниддин Н.бошқарувидаги “Cobalt” русумли автомобиль тўхтатиб текширилганида, унинг юкхонасида қоғозга ўралган 180 кг йирик шохли мол гўшт махсулотлари борлиги аниқланди. Шундай қилиб, карантин тадбирларини таъминлаш гуруҳи ходимлари томонидан олиб борилган ишлар натижасида 180 килограмм гўшт маҳсулотларини тегишли ҳужжатларсиз пойтахтга олиб кириш факти олди олинди. Гўшт маҳсулоти Озиқ-овқат маҳсулотлари хавфсизлиги лабораториясига текшириш учун юборилди.