Яшнобод тумани ИИО ФМБга келиб тушган хабарга кўра, номаълум шахс, стоматология клиникасига эшик қулфини бузиш йўли билан кирган. Шундан сўнг у 40 ёшли Маъруф З.гa тегишли бўлган жами 5.080 АҚШ доллари ва 118.200.000 сўмлик турли хилдаги стоматологик асбоблар ҳамда тиш имплантларини ўғирлаб кетган.

Кўрилган чора-тадбирлар натижасида, ушбу жиноятни содир этишда гумон қилинган 27 ёшли Бахтиёр К. аниқланиб, қўлга олинган. Мазкур ҳолат юзасидан Ўзбекистон Республикаси Жиноят кодексининг 169-моддаси (“Ўғрилик”) билан жиноят иши қўзғатилган. Тергов давом этмоқда.