Сергели тумани ИИО ФМБдан келиб тушган хабарга кўра, гиёҳвандлик воситалари ва психотроп моддаларни сақлаш ҳамда сотиш ҳолатларига чек қўйишга қаратилган профилактик тадбирлар давомида 26 ёшли Тўлқинжон К. ушланган. Фуқаро холислар иштирокида текширилганда, унинг ёнидан 13 дона пакетларга қадоқланган умумий оғирлиги 3,9 грамм бўлган синтетик гиёҳвандлик моддаси ашёвий далил сифатида олинди. Олиб борилган тезкор-қидирув тадбирлари давомида, ушбу шахс томонидан турли хил жойларга 5 та “закладка” жойлаштиргани маълум бўлди. Сергели тумани ИИО ФМБ Тезкор-қидирув хизмати ходимлари томонидан мазкур жойлар аниқланиб, у ердан яна 1,5 грамм гиёҳвандлик моддалари ашёвий далил сифатида олинган.

Мазкур ҳолат юзасидан Сергели тумани ИИО ФМБ томонидан терговга қадар текширув ўтказилмоқда. Текширув якуни бўйича қонуний қарор қабул қилиниши таъминланади.

Ҳурматли фуқаролар, агар сиз муқаддам ушбу шахс ўзини шубҳали тутиб, бирор нарсани яшираётганлигини гувоҳи бўлган бўлсангиз 71-233-71-47, 71-233-49-46, 71-206-42-54 ёки 102 рақами орқали хабар беришингизни сўраймиз.