TOSHKENT SHAHAR ICHKI ISHLAR BOSH BOSHQARMASI

IIBB boshlig'iga savol berish

Biz haqimizda Bog'lanish

Haftalik ish natijalari

Poytaxtning Yunusobod tumani IIO FMBda haftaning 13 mart payshanbasi sohaviy xizmatlar va profilaktika kuni munosabati bilan tadbirga jalb etilgan tegishli tashkilot mas'ullari ishtirokidagi tonggi yo‘riqnoma bilan boshlandi. Yo‘riqnomada shu yilning yanvarida Prezidentimiz tomonidan qabul qilingan mahallalarda xavfsiz muhitni yaratish, huquqbuzarliklarning barvaqt oldini olishga qaratilgan qarorning ijrosi bo‘yicha amalga oshirilishi lozim bo‘lgan vazifalar ko‘lamiga to‘xtalib, aniq va manzilli tadbirlar belgilandi. Tegishli yo‘l-yo‘riqlarni olgan xodimlar ishga kirishdilar. Profilaktika inspektorlari tomonidan probasiya hisobidagi muqaddam sudlanganlar, spirtli ichimliklarga ruju qo‘ygan, nizoli hamda oila-turmush doirasida huquqbuzarliklar va jinoyat sodir etishga moyil bo‘lgan 135 nafar shaxslar bilan profilaktik suhbatlar o‘tkazildi. Ulardan ishlash ishtiyoqini bildirgan 2 nafari ishga joylashtirildi, bir nafariga pasport olishda amaliy yordam ko‘rsatildi. Maishiy-ijtimoiy muammolari bo‘yicha murojaat qilgan 35 nafariga huquqiy yo‘nalish va tavsiyalar berildi. Tuman IIO FMB sohaviy xizmat xodimlari, mahalla yettiligi, faollari va mas'ullar ishtirokida “Husnobod” mahallasida sodir etilgan o‘g‘irlik jinoyati, “Uch qahramon” mahallasida sodir etilgan bezorilik jinoyatlari muhokama qilindi. Hududiy profilaktika inspektorlari tomonidan hududlarda olib borilayotgan qurilish ob'ektlarida ishlayotgan ishchilar o‘rtasida huquqbuzarliklarning oldini olish maqsadida, ma'muriyat va ishchilar bilan profilaktik-tushuntirish ishlari olib borildi. Tuman IIO FMB xotin-qizlar masalalari bo‘yicha inspektorlari tibbiyot xodimlari hamkorligida tibbiy yordamga muhtoj bo‘lgan 4 nafar ayollarning salomatligini ko‘rikdan o‘tkazib, davolanish uchun ularga imtiyozli yo‘llanmalar ajratilishiga erishishdi. Shuningdek, ajrim yoqasida turgan 4 oila bilan olib borilgan suhbat va tushuntirishlar natijasida ikki oila saqlab qolindi yana ikki nafar oilaning shart-sharoitlari bo‘yicha tegishli idoralarga ma'lum qilindi. Mas'ullar “Yangitarnov” mahallasida istiqomat qiluvchi 2-guruh nogironi A.Buxaysha xonadonidagi vaziyatni o‘rganib chiqib, ayolga tibbiy yordam hamda maslahat va tavsiyalar berishdi. Maktabgacha va maktab ta'limi tuman bo‘limi xodimlari bilan hamkorlikda “Sevinch” mahallasida joylashgan 250-umumta'lim maktabi ma'muriyati bilan o‘quvchilar o‘rtasida giyohvand moddalarining aylanishi, internet tarmoqlaridagi yot g‘oyalar, jinoyatga undovchi da'vatlarga qarshi kurashish, huquqbuzarliklarning oldini olishga qaratilgan profilaktik suhbatlar o‘tkazildi. Bu kabi tadbirlar poytaxtimizning barcha tumanlarida amalga oshirib kelinmoqda.

14 Mart 2025 Yil

107

Ishonchni oqlash kerak

Adashish insonga xos. O‘z xatosini anglab, to‘g‘ri yo‘lni tanlaganlarga ko‘mak berish, qo‘llab-quvvatlash orqali jamiyatimizning to‘laqonli fuqarosiga aylantirish borasida mehr-muruvvat ko‘rsatish insoniylik namunalaridan biridir. Kuni kecha Bektemir tumani hokimiyatida tuman Probatsiya hisobida turuvchi 25 nafar nazorat ostidagi shaxslarning murojaatlari tuman prokurori, IIO FMB boshlig‘i, hokimlik vakillari hamda boshqa mutasaddilar ishtirokida o‘rganib chiqildi. Halol mehnat qilish xohishini bildirgan uch nafar fuqaroga ish o‘rinlari taklif etilib, tanlagan kasblari bo‘yicha ishga joylashtirilishida amaliy yordam ko‘rsatildi. Tadbirkorlik bilan mashg‘ul bo‘lish niyatida mas’ullar hamkorligida tayyorlangan biznes loyihalarini taqdim etgan ikki nafar shaxslarga ijtimoiy ko‘maklashish bo‘yicha “Dastlabki ijtimoiy-moddiy yordam paketi” da ko‘zda tutilgan moddiy mablag‘ ajratilishiga erishildi. Besh nafari o‘z murojaatlari bo‘yicha berilgan ijtimoiy va huquqiy maslahatlar va tavsiyalardan qoniqish hosil qildilar. Ma’lum sabablarga ko‘ra haydovchilik guvohnomasini yo‘qotgan bir nafar shaxsning murojaati o‘rganib chiqilib, haydovchilik guvohnomasini tiklash va olish bo‘yicha amaliy-huquqiy yordam ko‘rsatildi. Jazodan shartli ravishda ozod qilish bo‘yicha ikki nafar mahkumning murojaati o‘rganildi. Ularning oilaviy sharoitlari, xulq-atvorining ijobiy tomonga o‘zgarganligi inobatga olinib, O‘zbekiston Respublikasi Jinoyat kodeksining 73-moddasiga asosan shartli ravishda ozod etildi. Avval jinoyat sodir etib, jazo muddatini o‘tash davrida o‘z xatolarini anglab, halol mehnat qilish, oilasi bag‘rida yashash, farzandlarini tarbiyalash, jamiyatga foyda keltirish istagida bo‘lgan mahkumlarning ezgu maqsadlarini qo‘llab-quvvatlash jamiyatimiz, millatimizga xos fazilat. Buning uchun mas’ullar hamisha kamarbasta. Faqat bunday imkoniyatning qadriga yetish, ishonchni suiiste’mol qilmaslik kerak xolos.

12 Mart 2025 Yil

168

Rasmiy ma’lumot

Ijtimoiy tarmoqlarda fuqaroning IIO xodimlariga qarshilik ko‘rsatayotgani aks etgan video tarqalib, turli muhokamalarga sabab bo‘lmoqda. Mazkur holat yuzasidan quyidagilarni ma’lum qilamiz. Joriy yilning 11 mart kuni taxminan soat 21.30 larda Mirobod tumani hududida 1989-yilda tug‘ilgan (muqaddam bir necha marotaba O‘zbekiston Respublikasi ma’muriy javobgarlik to‘g‘risidagi kodeksning 47, 161, 183, 188 prim.3-moddalari bilan ma’muriy javobgarlikka tortilgan) X.A. o‘zining uch nafar voyaga yetmagan farzandlaridan (2015 y.t., 2020 y.t., 2022 y.t.) foydalanib, ularning sog‘lom hayot kechirishi, ta’limga jalb qilinishini ta’minlamasdan, tilanchilik bilan shug‘ullanganligi aniqlangan. Mazkur huquqbuzarlikni to‘xtatish va qonuniy chora ko‘rish maqsadida PPX xodimlari ushbu ayolni yaqin oradagi IIB ga taklif qilishgan. Biroq fuqaro ichki ishlar organlar xodimlarining qonuniy talablarini bajarmasdan, jamiyatda yurish-turish qoidalarini qasddan mensimasdan jamoat tartibini buzishgan. Mazkur holat yuzasidan Mirobod tumani IIO FMB tomonidan fuqaro X.A.ga nisbatan O‘zbekiston Respublikasi Ma’muriy javobgarlik to‘g‘risidagi kodeksining 183-moddasi (“Mayda bezorilik”), 188 prim. 3-moddasi (“Tilanchilik qilish”) va 194-moddasi (“Ichki ishlar organlari xodimining qonuniy talablarini bajarmaslik”) bilan ma’muriy bayonnoma rasmiylashtirilgan. Uch nafar voyaga yetmagan bolalarning huquqlarini himoya qilish va ijtimoiy yordam ko‘rsatish maqsadida Toshkent shahar IIBB Voyaga yetmaganlarga ijtimoiy-huquqiy yordam ko‘rsatish markaziga joylashtirish choralari ko‘rilmoqda. Videotasvirda aks etgan holatda xodimlarning harakatiga baxo berish maqsadida xizmat tekshiruvi tayinlangan.

12 Mart 2025 Yil

4527

Mirzo Ulug‘bek tumanida sodir bo‘lgan YTH haqida ma'lumot

2024 yilning 7 noyabr kuni soat taxminan 13:00 larda Mirzo Ulug‘bek tumani, Yangi O‘zbekiston ko‘chasida joylashgan avtoturargohlarning birida, haydovchi voyaga yetmagan 2008 yilda tug‘ilgan S.P. “Mercedes Benz” rusumli, davlat raqam belgisi 01 Q 555 BB bo‘lgan avtomashinada harakatlanib, 2 nafar piyodani (2003 yilda tug‘ilgan J.S. va 2006 yilda tug‘ilgan Sh.E.) urib yuborgan. Natijada jabrlanuvchilar shifoxonaga olib borilgan. Sudga oid tibbiy ekspertizaning xulosasiga ko‘ra, fuqaro Sh.E. ning holati og‘irlik darajasi bo‘yicha yengil tan jarohati, fuqaro J.S. esa “og‘ir” tan jarohati deb baholangan. Mazkur holat yuzasidan O‘zbekiston Respublikasi Jinoyat kodeksining 266-moddasi 1-qismi (“Transport vositalari harakati yoki ulardan foydalanish xavfsizligi qoidalarini buzish”) bilan jinoyat ishi qo‘zg‘atilgan. Hozirda dastlabki tergov harakatlari tamomlanib, tegishli tartibda sudga yuborish chorasi ko‘rilmoqda.

11 Mart 2025 Yil

915