TOSHKENT SHAHAR ICHKI ISHLAR BOSH BOSHQARMASI

IIBB boshlig'iga savol berish

Biz haqimizda Bog'lanish

Toshkent shahar Ichki ishlar bosh boshqarmasida maʼnaviy-maʼrifiy tadbir bo‘lib o‘tdi

Toshkent shahar IIBB shaxsiy tarkibi bilan o‘tkazilgan navbatdagi Maʼnaviyat va maʼrifat darsi “Til – millat boyligi” mavzusiga bag‘ishlandi. Tadbirda O‘zbekiston davlat jahon tillari universiteti vakili dotsent Abdishukur Shofqorov maʼruza qildi. U o‘z nutqida, o‘zbek tili jonajon Vatanimizda yashayotgan barcha fuqarolarimiz uchun aziz va qadrli tilga aylanishi, uning jozibadorligini oshirish uchun barcha kuch va imkoniyatlarni safarbar etishimiz zarurligini taʼkidlab o‘tdi. Zero, til – o‘zligimizni anglash ramzi, unga bo‘lgan hurmat, xalqimizga, uning betakror madaniyati va tarixiga hurmatdir. Tadbir yakunida ishtirokchilarga “Tahlilnoma” axborot dasturi namoyish etildi.

26 Aprel 2025 Yil

148

Rasmiy maʼlumot

Ijtimoiy tarmoqlarda maktab o‘quvchisi tan jarohati olganligi aks etgan fotolavhalar tarqalib, turli muhokamalarga sabab bo‘lmoqda. Mazkur holat yuzasidan quyidagilarni maʼlum qilamiz. Joriy yilning 21 aprel kuni Mirzo Ulug‘bek tumanida joylashgan maktablarning birida, voyaga yetmagan 2007 yilda tug‘ilgan R.S. hamda shu maktab o‘quvchisi voyaga yetmagan 2007 yilda tug‘ilgan A.I. tortishib qolganligi va tomonlar o‘zaro janjallashib ketganligi aniqlangan. Janjal vaqtida voyaga yetmagan A.I. voyaga yetmagan R.S.ga tan jarohati yetkazgan. Natijada jabrlanuvchi shifoxonaga yotqizilgan. Tan jarohati og‘irlik darajasini aniqlash maqsadida sudga oid tibbiy ekspertiza tayinlangan. Mazkur holat yuzasidan Mirzo Ulug‘bek tumani IIO FMB tomonidan tergovga qadar tekshiruv o‘tkazilmoqda, yakuni bo‘yicha qonuniy qaror qabul qilinishi taʼminlanadi.

26 Aprel 2025 Yil

452

Prezident qarori ijrosi va voyaga yetmaganlar o'rtasida huquqbuzarliklar profilaktikasi muhokama qilindi

Yashnobod tuman hokimi B. Raxmankulov boshchiligida, O'zbekiston Respublikasi Prezidentining 2025 yil 18 martdagi PQ-110-son qarori ijrosi va voyaga yetmaganlar o'rtasida huquqbuzarliklarning oldini olishga qaratilgan chora-tadbirlar muhokama qilindi. Yig‘ilishda tuman prokurori Z. Ziyadullayev, tuman IIO FMB boshlig‘i podpolkovnik O. Qayimxo‘jayev, ta’lim muassasalari rahbarlari, ularning o‘rinbosarlari, shuningdek, voyaga yetmaganlar o‘rtasida huquqbuzarliklar profilaktikasini amalga oshirishga mas’ul bo‘lgan boshqa tashkilotlar vakillari ishtirok etdilar. Yig'ilishda asosiy e'tibor O'zbekiston Respublikasi Prezidentining 2025 yil 18 martdagi PQ-110-son qarori ijrosi, voyaga yetmaganlar o'rtasida huquqbuzarliklarning oldini olishga oid chora-tadbirlar va maktablarda o'quvchilarning dars jarayonlariga qatnashi holatiga qaratildi. Shuningdek, maktablardagi axborot va ta'lim muhiti, o'qituvchilarning roli, ijtimoiy masala va huquqbuzarliklar profilaktikasiga qaratilgan qadamlar hamda jamoatchilikning bularga oid faoliyati muhokama qilindi. Yig'ilish davomida aniqlangan kamchiliklar va mavjud muammolar to'g'risida mas'ularga aniq yo'nalishlar bo'yicha ko'rsatmalar berildi. Voyaga yetmaganlar o'rtasida huquqbuzarliklar va jinoyatlarning oldini olish bo'yicha amalga oshirilishi kerak bo'lgan yangi chora-tadbirlar belgilandi. Mas'ularga ushbu masalalar bo'yicha to'liq tushuntirishlar berilib, har bir topshiriq va vazifa yuklatildi. © Yashnobod tumani hokimligi Matbuot xizmati

26 Aprel 2025 Yil

Sayyor qabulda aholi murojaatlari yechim topmoqda

Davlatimiz rahbari tashabbusi bilan joriy etilgan sayyor qabullar tizimi aholining muammolarini joyida o‘rganish va hal etish, ertangi kunga ishonch xissini kuchaytirish, ijtimoiy-iqtisodiy muhitni yana-da yaxshilashga xizmat qilmoqda. Yashnobod va Bektemir tumanlari aholisi uchun tashkillashtirilgan navbatdagi sayyor qabul Yashnobod tumanida joylashgan “Band bo‘lmagan aholiga xizmat ko‘rsatish Monomarkaz" binosida bo‘lib o‘tdi. Poytaxt IIBB boshlig‘i polkovnik Ravshan Sultanxodjayev va Xalq qabulxonasi tomonidan o‘tkazilgan qabulda ushbu tumanlarning mutasaddi tashkilotlar rahbarlari ham ishtirok etishdi. O‘tkaziladigan sayyor qabul davomida jami 34 nafar fuqarolarning muammolari o‘rganildi. Ulardan 15 tasi surishtiruv va tergov harakatlari yuzasidan; 5 tasi yetkazilgan moddiy zararni undirish bo‘yicha; 2 tasi ichki ishlar organlariga xizmatga qabul qilish, xizmatni o‘tash va qayta tiklash yuzasidan; 8 tasi probatsiya hisobda turgan shaxslarni muddatidan ilgari shartli ozod qilish masalasida; 3 tasi O‘zbekiston Respublikasi fuqaroligini olish bo‘yicha; 1 tasi davolanish uchun moddiy yordam bo‘yicha murojaatlari qabul qilindi. Murojaatlarning 9 tasi joyida ijobiy hal etildi, 5 tasi bo‘yicha malakali tushuntirish berildi, ko‘rib chiqish qo‘shimcha muddat talab etadigan 20 ta murojaatlarning ijrosi nazoratga olindi. Shuningdek, sayyor qabul davomida 3 nafar fuqaroga O‘zbekiston Respublikasining fuqarolik pasportini olishda amaliy yordam ko‘rsatildi. Bu kabi sayyor qabullar aholi va davlat organlari o‘rtasida ochiq muloqotni taʼminlash, muammolarni kechiktirmasdan hal etishda muhim qadam hisoblanadi. Ushbu tadbirlar fuqarolarning davlat idoralariga bo‘lgan ishonchini oshirish, jamiyatda samarali ijtimoiy sheriklikni rivojlantirishga xizmat qiladi.

26 Aprel 2025 Yil

208