Ijtimoiy tarmoqlarda Uchtepa tumanidagi maktablardan birida o‘qituvchi tan jarohati olganligi haqidagi xabarlar tarqalmoqda. Mazkur holat yuzasidan quyidagilarni maʼlum qilamiz.

Joriy yilning 8 iyun kuni taxminan soat 15.30 larda Uchtepa tumanidagi maktablardan birida shu maktabning 9-sinf o‘quvchisi 2008 yilda tug‘ilgan S.S. va o‘qituvchi 1999 yilda tug‘ilgan S.B. o‘zaro og‘zaki gap talashib qolgan va o‘qituvchi S.S.ni bir marotaba shapaloq bilan urgan. Shundan so‘ng o‘quvchining akasi – 10-sinf o‘quvchisi 2006 yilda tug‘ilgan S.S. kelib o‘qituvchi S.B.ni urib tan jarohati yetkazgan.

Mazkur holat yuzasidan Uchtepa tumani IIO FMB tomonidan tergovga qadar tekshiruv o‘tkazilmoqda. Tekshiruv yakuni bo‘yicha qonuniy qaror qabul qilinishi taʼminlanadi.