Ijtimoiy tarmoqlarda Olmazor tumanida devor qulaganligi haqida maʼlumot tarqalgan. Mazkur holat yuzasidan quyidagilarni maʼlum qilamiz.
Joriy yilning 14 mart kuni taxminan soat 00:45 larda Olmazor tumani, Guruch-ariq ko‘chasida joylashgan qariyalar uyining balandligi 3 metr, uzunligi 14 metr bo‘lgan devori, poytaxtimizda bo‘lib o‘tgan kuchli yog‘ingarchilik oqibatida qulab tushgan. Natijada, devor oldida turgan “Nexia-3” rusumli, davlat raqam belgisi 01 U 328 DB (1985 y.t., fuqaro S.A.ga tegishli) bo‘lgan avtomashinaga shikast yetgan. Jarohat olganlar yo‘q.