TOSHKENT SHAHAR ICHKI ISHLAR BOSH BOSHQARMASI

IIBB boshlig'iga savol berish

Biz haqimizda Bog'lanish

Toshkent shahar Ichki ishlar bosh boshqarmasida maʼnaviy-maʼrifiy tadbir bo‘lib o‘tdi

Toshkent shahar IIBB shaxsiy tarkibi bilan o‘tkazilgan navbatdagi Maʼnaviyat va maʼrifat darsi “Davlat dasturi – mamlakat taraqqiyoti kafolati” mavzusiga bag‘ishlandi. Tadbirda G.V.Plexanov nomidagi Rossiya iqtisodiyot Universitetining Toshkent shahridagi filiali prorektori professor Shuhrat G‘oibnazarov maʼruza qildi. U o‘z nutqida, mazkur davlat dasturida nazarda tutilgan maqsadlarning izchillik bilan hayotga tatbiq etilishi Yangi O‘zbekistonning har bir fuqarosi bugungi hayotidan mamnun bo‘lib, yurt taraqqiyoti va rivojiga o‘zida daxldorlik hissini tuyib yashashiga xizmat qilishini, islohotlar har birimizning amaliy ishimizga aylanishi kerakligini alohida taʼkidlab o‘tdi.Tadbir yakunida yig‘ilish ishtirokchilarga “Tahlilnoma” axborot dasturi hamda Isoqxon To‘ra Ibratning hayoti va ijodi haqidagi videorolik namoyish etildi.

17 Aprel 2024 Yil

Diqqat markazida yoshlar

Bugungi kunda dunyoda ro‘y berayotgan voqealar hech kimni befarq qoldirmayapti. Mazkur holatlar jamiyatimizni, ayniqsa, kelajagimizni yaratuvchi yoshlarimizning ongu shuurini to‘g‘ri shakllantirishni, azaliy qadriyatlarimizga sodiqlik ruhida tarbiyalashni taqozo etmoqda. Yoshlarimizni millatimizga yot bo‘lgan turli tuman aqidayu g‘oyalardan himoya qilish, o‘z vaqtida nopok yo‘llardan qaytarish biz kattalar,ularning tarbiyasiga masʼullarning burchidir.Toshkent shahar Olmazor tumani “Ziyo” mahallasida joylashgan Glier nomli ixtisoslashtirilgan akademik litseyda “Ogohlik davr talabi” g‘oyasi ostida o‘tkazilgan tadbirning asosiy maqsadlari aynan shundan iborat. Unda IIV Akademiyasi professori polkovnik Sh.Mamadaliyev, poytaxt IIBB YHXB masʼul xodimlari, mahalla raislari, faollari, o‘quv muassasasi o‘qituvchi hamda o‘quvchilari ishtirok etishdi. Tadbir ishtirokchilarda katta qiziqish uyg‘otdi. So‘zga chiqqanlar o‘quvchilarning ko‘plab savollariga javob berdilar. Tadbir bu kabi uchrashuvlarni muntazam ravishda o‘tkazish, yoshlarning huquqiy bilim va saviyalarini izchil boyitib borish lozimligini ko‘rsatdi.Xuddi shunday tadbir poytaxtning Olmazor tumanida joylashgan Moliya akademik litseyida ham bo‘lib o‘tdi. Unda IIV Akademiyasi Tezkor qidiruv kafedrasi katta o‘qituvchisi, mayor t.Masharipov va kapitan O.O‘rinov, tuman boshqarmasi masʼul xodimlari, o‘quv dargohi o‘qituvchi va o‘quvchilari – jami ikki yuz nafardan ortiq kishi ishtirok etdi. Qatnashchilar maʼruzachilarning chiqishlarini katta qiziqish va diqqat bilan eshitishdi. Tadbir so‘ngida ishtirokchilar o‘zlarini qiziqtirgan barcha savollariga aniq va to‘liq javoblar olishdi.

17 Aprel 2024 Yil

333

Bir guruh yoshlar Toshkent shahar IIBB “Shon-Sharaf” muzeyiga tashrif buyurdi

Toshkent shahar IIBB JTSB patrul-post xizmati brigadasi tashabbusi bilan yosh avlod o‘rtasida vatanparvarlik tuyg‘usini shakllantirishga qaratilgan madaniy tadbirlar muntazam tashkil etilmoqda.Jumladan, yaqinda Shayxontohur tumanidagi 102- sonli umumiy o‘rta taʼlim maktabi o‘quvchilari hamda Renessans taʼlim universiteti talabalari uchun Toshkent shahar IIBB “Shon-sharaf” muzeyiga ekskursiya tashkil etildi. Ular Toshkent shahar ichki ishlar organlari bosib o‘tgan yo‘ldan hikoya qiluvchi ko‘rgazmalarni qiziqish bilan tomosha qilishdi. Yoshlarda turli vaqtlarda jinoyatchilardan olib qo‘yilgan sovuq qurol va o‘qotar qurollar namunalari aks ettirilgan stend alohida qiziqish uyg‘otdi.Yosh avlod uchun muzeyga sayohat ko‘ngilochar sayr qilishdan ko‘ra ko‘proq ahamiyatga ega. Bu yurt tarixi bilan tanishish, bo‘layotgan o‘zgarishlarga daxldor bo‘lishga intilish, vatanparvarlik tuyg‘usini tarbiyalashdir.

17 Aprel 2024 Yil

342

Toshkent shahar IIBB: yoshlarning muammolari o‘rganildi

Toshkent shahar IIBB boshlig‘ining o‘rinbosari, polkovnik Murodilla Aliqoriyev boshchiligidagi ishchi guruh Yunusobod tumanida yashovchi yoshlarning muammolarini “xonadonbay” o‘rgandi. O‘rganishlar davomida yoshlarning bandlik, sport bilan shug‘ullanish hamda ijtimoiy-huquqiy yo‘nalishdagi muammolari tinglanib, hal etish choralari belgilandi.Jumladan, ishchi guruh “Registon” mahallasida bo‘lib, “qizil” va “sariq” toifaga kiritilgan yoshlarning yashash sharoiti va oilaviy ahvoli o‘rganildi. Mazkur mahalla fuqarosi Sadulla G. suhbat davomida mahallada ishsizlar ro‘yxatida turishini hamda doimiy ishga joylashishda qiyinchiliklar mavjudligini maʼlum qildi. O‘rganishlar natijasida fuqaroning muammosi joyida hal etildi va sinov mudatti asosida doimiy ishga joylashtirildi. Bundan tashqari shu mahallada yashovchi Farangiz E. bilan uchrashuv davomida bu yil maktabni bitirib oliy o‘quv yurtiga kirish niyati borligini aytdi. Fuqaroning barcha muammolari tinglanib, ijtimoiy yordam ko‘rsatish yuzasidan zaruriy choralar belgilab olindi.Aytish kerakki, hududlarda tashkil etilayotgan bu kabi tadbirlar yoshlar muammolarini tizimli hal etish imkonini bermoqda.

16 Aprel 2024 Yil

461