TOSHKENT SHAHAR ICHKI ISHLAR BOSH BOSHQARMASI

Гиёҳвандлик воситаларини қонунга хилоф равишда сақлаш жинояти фош этилди

Тошкент шаҳар ИИББ ва Яшнобод тумани ИИО ФМБ ЖҚБ ходимлари томонидан Яшнобод туманида ўтказилган профилактик тадбир давомида муқаддам судланган 50 ёшли Aфзалбек Н. қўлга олинди. Фуқаро тўхтатилиб, холислар иштирокида текширилганида, унинг ёнидан яшил рангли, ўткир ҳидли қуритилган ўсимлик моддаси, 4 дона Регапен дори воситаси ва пластик бутилка борлиги аниқланган. ИИББ ЭКМнинг хулосасига кўра, ушбу моддалар 2,03 гр. марихуана ва 0,35 гр. гашиш эканлиги маълум бўлган. Мазкур ҳолат бўйича Ўзбекистон Республикаси Жиноят кодексининг 276-модда 2-қисми билан ("Гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар") жиноят иши қўзғатилган. Тергов давом этмоқда.

25 May 2022 Yil

122

Пойтахтдаги «Нурли маскан» таълим муассасасида сўнгги қўнғироқ янгради

Пойтахтимизда жойлашган 77-sonli Nurli maskan ихтисослаштирилган мактаб-интернатда сўнгги қўнғироқ тадбири бўлиб ўтди. Маълумки, давлатимиз раҳбарининг топшириғига биноан мамлакатимиздаги бу каби ихтисослаштирилган мактаб интернатлари Ўзбекистон Республикаси ИИВ қарамоғига олинган. Тантанали маросимда Тошкент шаҳар ИИББ бошлиғи иштирок этиб битирувчи ёшларга Ўзбекистон Республикаси Президенти Шавкат Мирзиёевнинг "Сўнгги қўнғироқ" муносабати билан уларга йўллаган табригини ўқиб эшиттирди. Самимий қутлов ва эзгу тилаклардан сўнг мазкур даргоҳда таълим олиб умрининг беғубор даврини ўтказган 43 нафар ўғил-қиз мактаб билан, устозлари билан хайрлашдилар. Маросимда ўз иқтидори ва салоҳияти билан кўплаб танлов ҳамда мусобақаларда иштирок этиб мактаб номини улуғлаган бир гуруҳ битирувчиларга ва бошқа ўқувчиларга Ўзбекистон Республикаси ИИВ ҳамда Тошкент шаҳар ИИББ томонидан эсдалик совғалари топширилди. Болалар томонидан тайёрланган концерт дастури тадбирни янада шукуҳли ўтишига сабаб бўлди.

25 May 2022 Yil

102

Interaktiv xizmatlar

Belgilangan matnni tinglash uchun quyidagi tugmani bosing Powered by GSpeech