TOSHKENT SHAHAR ICHKI ISHLAR BOSH BOSHQARMASI

Biz haqimizda Bog'lanish

Toshkent shahar Ichki ishlar bosh boshqarmasida ma’naviy-ma’rifiy tadbir bo‘lib o‘tdi

Shiddat bilan rivojlanayotgan hayotimizda ro‘y berayotgan yuksalish jarayonlari o‘zini barcha sohalarda namoyon etmoqda. Mustaqillikning ilk yillaridanoq yurtimizda milliy o‘zligimizni anglash, boy tarixiy, madaniy, ilmiy merosimizning asl mazmun-mohiyatini chuqur anglash, “Milliy tiklanishdan – milliy yuksalish” g‘oyasini amalga oshirishga kirishildi. Bugungi Ma’naviyat va ma’rifat darsi “Yangi O‘zbekiston – uchinchi Renessans yo‘lida” nomi bilan aynan shu mavzuga bag‘ishlandi. Yangi asr universiteti akademik bo‘lim boshlig‘i, tarix fanlari bo‘yicha falsafa doktori, dots.nt Azizbek Mo‘minov poytaxt IIBB majlislar zaliga yig‘ilgan shaxsiy tarkib oldidagi ma’ruzasini yurtimizning qadim tarixi, mintaqamizda yuz bergan Birinchi sharq uyg‘onish davridan buyon davom etayotgan jarayonlarga to‘xtalarkan, har ikki Uyg‘onish davrida eng muhim jihat –davlatning e’tibori, mamlakat boshqaruvida olib borilgan odilona va oqilona siyosat, ta’lim-tarbiya masalalari ustuvor bo‘lganligini ta’kidlab o‘tdi. Shuningdek, yurtimizda boshlangan bunyodkorlik, yangilanishga qaratilgan jarayonlar izchil davom ettirilib, xalqmiz orzu qilgan buyuk davlat, farovon kelajak barpo etish yo‘lidagi sa’y-harakatlarimiz albatta o‘z samarasini ko‘rsatishiga ishonch bildirildi. Ma’ruzada ko‘plab tarixiy ma’lumotlarning keltirilishi yig‘ilganlarda katta qiziqish uyg‘otdi. Tadbir “Tahlilnoma” axborot dasturi namoyishi bilan yakunlandi.

2 Mart 2026 Yil

110

Xalq qabulxonasi – inson manfaatlari xizmatida

Toshkent shahar IIBB rahbariyatining navbatdagi qabuli joriy yilning 1 mart kuni Toshkent shahar Bektemir tumanida joylashgan Sport-sog‘lomlashtirish majmuasi “Toshkent viloyati xalq qabulxonasi” binosida o‘tkazildi. Poytaxt IIBB boshlig‘i, polkovnik Ravshan Sultanxodjayevning shaxsiy sayyor qabuliga oltmishdan ortiq yuridik hamda jismoniy shaxslar o‘z muammolari hamda og‘riqli savollariga javob topish maqsadida tashrif buyurishdi. Murojaatchilarning muammolarini tinglash, ko‘tarilgan masalalarni chuqur sabablarini o‘rganish davomida ularning 17 tasi qabulxonaning o‘zida ijobiy hal etildi. 13 tasiga malakali huquqiy tavsiya va maslahatlar berildi. O‘rganib qonuniy xulosa chiqarish uchun qo‘shimcha muddat talab etiladigan 34 ta murojaatlarning ijrosi bo‘yicha sohaviy xizmat rahbarlariga tegishli topshiriq va ko‘rsatmalar berilib, nazoratga olindi. Murojaatlar mazmun-mohiyatiga ko‘ra: surishtiruv va tergov harakatlari, mol-mulk va pul mablag‘larini undirish, plastik karta pullarini noqonuniy o‘zlashtirish, xizmat faoliyatini boshqa ichki ishlar organlariga ko‘chirish, yo‘l belgilarini o‘rnatish, shaxs hayoti va salomatligiga qarshi noqonuniy xatti-harakatlar, afv etish, ijtimoiy-iqtisodiy muammolarga oid, oila-turmush doirasida kelishmovchiliklar kabilarni tashkil etdi. Barcha murojaatlar rahbariyat tomonidan e’tibor bilan tinglanib, ularda keltirilgan masalalarga yechim topish bo‘yicha tegishli qaror va ko‘rsatmalarning berilishi, aholining adolatga, qonuniy haq-huquqlarini himoya qilishga bo‘lgan ishonchini yanada orttirishga xizmat qilmoqda.

2 Mart 2026 Yil

326

Toshkent shahar Ichki ishlar bosh boshqarmasida dual taʼlim tizimi boʻyicha hisobot yigʻilishi boʻlib oʻtdi

Unda IIV akademiyasi va Toshkent shahar IIBB rahbariyati, poytaxtning Chilonzor, Yunusobod, Mirzo Ulugʻbek va Mirobod tuman IIOFMBlari masʼullari, murabbiylikka biriktirilgan xodimlar hamda bitiruvchi kurs kursantlari qatnashdi. Yigʻilishda dual taʼlim boʻyicha ichki ishlar organlarida tashkil etilayotgan amaliyot jarayonlari, faoliyatda erishilayotgan natijalar va kelgusidagi vazifalar atroflicha muhokama qilindi. Muhtaram Prezidentimiz tashabbusi bilan yangi tizimning yoʻlga qoʻyilgani taʼlimni sifat jihatdan yangi bosqichga olib chiqishda muhim ahamiyat kasb etayotgani, puxta bilim va amaliy koʻnikmalarga ega kursantlar kelgusida tizim uchun asosiy tayanch kadrlar boʻlib yetishishi taʼkidlandi. Ayniqsa “poytaxt namunasi” asosida xavfsiz muhitni shakllantirish maqsadida kursantlarning jamoat tartibini saqlash, mahallalarda huquqbuzarliklarning barvaqt oldini olish, aholi muammolari oʻrganish hamda kriminogen vaziyatni barqarorlashtirishga faol jalb qilinayotgani ijobiy samara berayotgani aytib oʻtildi. Yigʻilishda dual taʼlimning natijadorligi murabbiy va kursantlar oʻrtasida ustoz-shogirdlik tizimining samarali yoʻlga qoʻyilganiga bevosita bogʻliq ekanligi, oʻrganishlar davomida bu borada ayrim kamchiliklar aniqlangani tanqid qilindi. Shundan kelib chiqib, masʼullarga zimmalariga yuklatilgan vazifalarni yuqori masʼuliyat bilan bajarishi yuzasidan topshiriq berildi. Yigʻilish yakunida tegishli chora-tadbirlar belgilab olindi. Oʻzini ijobiy tomondan namoyon etgan bir guruh xodimlar va kursantlar faxriy yorliq hamda esdalik sovgʻalari bilan ragʻbatlantirildi. IIV akademiyasi Axborot xizmati

2 Mart 2026 Yil

309

E'LON

Toshkent shahar IIBB boshlig‘i tomonidan joriy yilning 1-mart kuni soat 10:00 da poytaxt aholisining murojaatlarini o‘rganish maqsadida, Bektemir tumani, Zabardas MFY da sayyor qabuli o‘tkaziladi. 📍Manzil: Toshkent shahar, Bektemir tumani, Zabardas MFY, Toshkent viloyati Xalq qabulxonasi

28 Fevral 2026 Yil

586